三人行必有笔者师，聚会时与朋友闲谈，不时系值得公诸同好嘅写稿题材，又如阿仔冲凉嗰篇关于泡沫几时爆嘅文，自己都觉得抵死，可见睇股可以好生活化。一直从事金融领域工作，好多时道听涂说题目都离不开本业，有专睇工商客嘅资深宾架，最近奔走相告，话经营产销布料嘅客户再三提醒佢赶快买定未来两年要着嘅衫，尤其系棉质衫裤。原因唔难明，棉花涨价吖嘛，之不过棉质衣料加价，横向会影响埋尼龙纤维质料价格，呢个冬天市场上又轻又暖嘅“仿丝棉”风衣，一睇英文就明解系Polyester、Rayon等石油副产品，通通都系棉花替代品，所以早排棉花涨价会令仪征化纤股份(1033)股价急升。虽然通常都系宾架畀意见，但当你个客系某行业专家，佢嘅睇法就绝对有意义，起码传到笔者耳朵就系好实用嘅资料。唔系危言耸听，笔者已经开始趁岁晚大减价扫定多几件长青款式嘅冬天Top。

棉花涨价蚕食纺织股盈利

忽然好庆幸自己前年瘦身略有小成，一口气买够呢两年要着嘅返工衫，反正自己唔系太在乎个Look，冇料嘅先至整色整水，挂住搞个Look盏唔得闲做功课。全球QE后遗症将会体现于恶性通胀，游资太多，由贵金属炒落去，炒到冇嘢可以炒，炒到去农产品，明显系要炒到底去到尽，炒家尽地一煲钱搵钱，连包住你层皮嗰块布嘅上游工业股都系题材。农产品如玉米等饲料涨价，最终会导致猪牛鸡鸭涨价，对棉纺纱企业而言，棉花随时占总成本达75%，09年仲系每吨1.4万元人民币，唔少前年年底低价大量囤积棉花嘅纺纱企业，今日都仲享受紧廉价库存，然而一旦库存用尽，按采购价高达每吨2.5万元人民币嘅新棉，企业随时转盈为亏。至于布料批发价更有如温水煮蛙，短短一季涨幅达两成以上，如此下去，纺织股毛利率变化特别值得关注，皆因往绩参考价值已大打折扣。

来源： 腾讯财经

相关资讯

• 打赢“生存战”，看日本纺企如何上演合纵连横
• 波兰之旅，开启中波纺织服装合作新篇章
• BRICS+金砖国家时尚峰会加强全球时尚联系
• 《2023纺织业对外投资合作国别指南》拉美篇（一）——墨西哥
• 国际纺织机械展览会孟加拉国观众组织推介会再获关注
• 三分钟导读纺织行业宏观经济环境
• 衣心向善！中法可持续时尚行业分享绿色转型经验及案例
• 上半年全国纺织品服装出口同比下降，RCEP机遇值得重点关注
• 上半年全国纺织品服装出口同比下降，RCEP机遇值得重点关注
• 2022世界变局下的日本纺企应对之策（下）
• 坚持开放包容、创新发展、合作共赢，国际纺联纺机研讨会发出业界最强音
• 2022世界变局下的日本纺企应对之策（下）